Kostanın adını "Qızıl top" namizədlər siyahısından çıxardılar!

2015-ci ildə “Qızıl top”u qazanmaq şansı olan futbolçuların siyahısı dəyişib. Apasport.az-ın FİFA-nın rəsmi saytına istinadən məlumatına görə, 59 nəfərlik siyahı 23-ə endirilib.

Siyahıda ən çox futbolçu ilə “Barselona” təmsil olunur. Çempionlar Liqasının son qalibinin 6 üzvü “Qızıl top”u qazanmağa iddialıdı. Digər İspaniya nəhəngi “Real” və Almaniya çempionu “Bavariya”nın 5 oyunçusunun adı siyahıda var. Həmçinin “Mançester Siti”nin də 3 futbolçusu şansını qoruyur.

Maraqlıdı ki, Luka Modriç, Serxio Ramos, Karlos Tevez, Dieqo Kosta, Tibo Kurtua, Ueyn Runi, David de Xea, Antuan Qrizmann və Filipp Koutinyo kimi ulduz futbolçular kənarda qalıblar.

“23-lük” belədi: Xavyer Maskerano, Andres İnyesta, Lionel Messi, Neymar, İvan Rakitiç, Luis Suares (hamısı "Barselona"), Qaret Beyl, Kərim Benzema, Toni Kroos, Hames Rodriges, Kriştianu Ronaldo (hamısı "Real"), Arturo Vidal, Aryen Robben, Robert Levandovski, Tomas Müller, Manuel Noyer (hamısı "Bavariya"), Yaya Ture, Serxio Aquero, Kevin de Bruyne ("hamısı "Mançester Siti”), Pol Poqba (“Yuventus”), Aleksis Sançes ("Arsenal"), Eden Azar ("Çelsi"), Zlatan İbrahimoviç (PSJ).

Qeyd edək ki, ən sonda 3 futbolçu fəxri mükafata namizəd kimi qalacaq.