NASA Günəşdəki güclü partlayışın videosunu yaydı!

Oktyabrın 13-də Günəşdə baş verən güclü partlayışı NASA rəsədxanasının kameraları qeydə alıb, kosmik agentliyin saytında bildiriblər.

Oxu.Az xəbər verir ki, videoyazıda ulduzun səthi üzərində qabarıqlıq yarandığı, sonradan tədricən yatdığı əks olunub.

Qabarıqlıqlar çarxda izah edildiyi kimi Günəşin səthində maqnit sahələrinin yardımı ilə qalan “qeyri-sabit” qaz buludlarıdır.

Baş verən partlayışdan sonra qaz buludları yenidən Günəşin səthinə qayıdır.

Təsvirlər və videoyazı iki ultrabənövşəyi dalğanın birləşməsi vasitəsilə əldə edilib. Onlar insan gözü ilə görülmədiyi üçün, çox zaman onları qırmızı və bürünc rəngə “boyayırlar”.